"Мутнаевока"
"Мутнаевока"
Гурт быў заснаваны ў ліпені 2005-ага. У кастрычніку адбылося першае выступленне ў кафэ-бары “Восьмы корпус” пад арыгінальнай назвай “МУТНАЕВОКА”.
Адразу ж пасля выступу, няглядзячы на тое, што працягваўся ён усяго 15 хвілін, музыкі пачулі шэраг прыемных слоў ды абяцанняў дальнейшага супрацоўніцтва.
“Некаторы час творчасць МУТНАГАВОКА знаходзілася ў стадыі “гаражнага року”, - распавядае Аляксандар, басіст гурта, - пасля чаго - з мэтай павышэння ўзроўню выканання, гурт развітаўся з бубначом”.
Пасля адбываліся канцэрты ў менскіх клюбах ”Акварыўм”, ”Simple”, ”Step”. “Мутныя” гралі на адной пляцоўцы з “Пнеўманія”, ”Псыхоз” ,”Usplesk”, ”Iris7” і інш.
Музыку МУТНАЕВОКА большая колькасць слухачоў адносіць да стылю грандж, але самі музыкі лічаць інакш. “Кожная песня адрозніваецца адна ад другой. Гурт ніколі не затрымліваецца на адным месцы і заўсёды знаходзіцца ў пошуках новага гучання”, - кажа Аляксандар. Хлопцы, жартуючы, называюць свой стыль “мутным рокам”.
Склад гурта:
Аляксандар Ільін – бас
Вiталь Каралец – бубны
Яўген Змушка – спеў, гітара